Янги “Самарқанд-Тошкент-Санкт Петербург” автобус йўналиши ҳаракати йўлга қўйилади.

Ўзбекистон Республикаси Транспорт вазирлиги ахборот хизмати жорий йилнинг 25 февраль кунидан “Самарқанд-Тошкент-Санкт Петербург” автобус йўналишида мунтазам автобус қатновлари йўлга қўйилишини маълум қилди.

Рейслар ҳар куни амалга оширилиши белгиланган бўлиб, чипта нархи Самарқанддан — 840 минг сўм, Тошкентдан — 800 минг сўмни ташкил этади.

Қатновлар Россия Федерациясининг “Глобус” компанияси билан биргаликда «Uzautotrans Service» корхонасининг замонавий Yutong русумли автобусларида амалга оширилади.

Ушбу йўналишдаги илк автобус 25 февраль куни 09-00 Самарқанд автовокзалидан жўнаб, Тошкент шаҳрига етиб келиб, Тошкент автовокзалидан 15:00 да жўнайди ҳамда Санкт-Петербург Марказий Автовокзалгача ҳаракатланади.