Тошкентдан Омскка мунтазам автобус қатновлари йўлга қўйилмоқда.

Ўзбекистон Республикаси транспорт вазирлиги матбуот хизматининг хабарига кўра, жорий йилнинг 15 февраль кунидан эътиборан “Тошкент-Омск” йўналишида мунтазам автобус қатновлари йўлга қўйилди.

Ҳар ҳафтанинг сешанба ва шанба кунларига белгиланган қатновлар «Uzautotrans Service» корхонасининг замонавий автобусларида амалга оширилади. Йўналишдаги илк қатнов жорий йилнинг 15 февраль куни соат 18:00 га белгиланган бўлиб, унда автобуслар ўз ҳаракатини “Тошкент” автовокзалидан бошлаб, Омск шаҳрининг «Камарова» автовокзали томон ҳаракатланади. Йўналишда чипта нархи 450 000 сўм этиб белгиланган. Шаҳарлар ўртасидаги масофа 2200 км бўлиб, ушбу йўлни 32 соатда босиб ўтиш кўзда тутилган.